تعلم البرمجة: كيف تبدأ وأي لغات يجب اختيارها؟

 كتير مننا بيسأل نفسه يومياً يطور من نفسه ازاي؟ واي الحاجه اللي تستاهل إني اخصص وقت عشان ادرسها؟

وفي سبيل التطور اول ما بنحاول نفكر ف مجال بنحاول نشوف المجال اللي يعتبر حديث العالم حالياً وفرص شغله متوفره في كل مكان ف بنتجه تلقائياً للتفكير عن البرمجة ..

 

البرمجة؛ اللي حالياً تعتبر الوظيفة الأكثر استقراراً عالمياً واللي بيعتبرها ناس كتيره جدا إنها لغة العصر الحالي بسبب أهميتها علي المستوى المهني وعلي المستوي الفكري..

 

مش لازم عشان تنوي تبدأ تتعلم برمجة إنك تكون عايز تبقي مبرمج وتشتغل بيها، أهمية تعلم البرمجة دلوقتي تكمن في الأثر الكبير اللي هتسيبه ف حياتك لما تتعلمها .. 💡

 

اي حد يقدر يتعلم برمجة، بس مش اي حد هيقدر يشتغل بيها لإنها عايزه إرادة وشغف وتطوير مستمر ..

 

طب يعني إيه لغة برمجة؟ 👨‍💻

 

لما يبقي في واحد بيتكلم اسباني وواحد بيتكلم انجليزي وعايزين يتكلموا ف أي حاجه بيبقي لازم يكون في وسيط بينهم عشان يترجم للأسباني الشخص الإنجليزي بيقول اي و العكس؛ وده بإختصار اللي لغة البرمجة بتعمله..

 

لغة البرمجة، هي اللغة اللي بتخلينا نقدر نتواصل مع الآلة ونكلمها بلغة تقدر تترجمها ل اللغة الأساسية للكمبيوتر اللي هي عبارة عن 0 و 1.

 

 

طب ابدأ بأي لغة برمجة؟

 

 في اكتر من طريق ممكن تمشي فيه عشان تتعلم برمجة، ولازم تعرف ان اهم حاجه هي تعلم الاساسيات والمبادئ البرمجية اللي تقدر تتعلمهم من اي لغة تقريبا، ف انت اللي بإيدك تختار الطريق واللغة اللي هتبدأ بيها باختيارك للمجال اللي هتختص فيه..

 

زي ماقولنا، البرمجة فعلا مهمه حتي لو مش ناوي تشتغل بيها؛ اساسيات البرمجة هتخليك قادر تحل معظم المشاكل اللي هتقابلك في حياتك اليومية ..

 

ف نرجع تاني لنفس الجملة اللي بدأنا بيها، هو بكرة هيجي، وهو احنا لازم نستناه؟

ف الإجابة ببساطة اننا مش لازم نستني بكرة عشان نبدأ نتعلم اي حاجة عايزينها طالما ف ايدنا نبدأ دلوقتي وحالاً، ف ليه نتأخر؟