Mmmm space

  كنت فاتح سوشيال م شوية وتقريبا اكتر من ٧٠% م الحاجات اللي شوفتها بتتكلم عن الصحاب وغدرهم ومشاكلهم ، وللحظه حاولت اسأل نفسي هل في صاحب سالك؟ ازاي نقول اصلا ع صاحب انه "سالك" بجد! ف حاولت احط شوية مقاييس عشان امشي عليها واعرف احدد الصاحب السالك ده عامل ازاي؟ وبينما انا ببحث اكتشفت ان تقريبا علي مدار ٣٠ الف سنة من اول ما ربنا سبحانه وتعالى خلق سيدنا آدم لحد انهارده مفيش صاحب سالك زي سيدنا "ابو بكر الصديق " ! الصاحب اللي بجد رقبته سداده ف كل مكان وكل زمان ..   ابو بكر اللي الرسول صلى الله عليه وسلم قال عنه :   "إن مِن أمَنّ الناس عليّ في صحبته وماله أبا بكر ، ولو كنت متخذاً خليلاً غير ربي لاتخذت أبا بكر ، ولكن أخوة الإسلام ومودته ، لا يبقين في المسجد باب إلا سُـدّ إلا باب أبي بكر ."   ابو بكر مكنش مجرد صديق للرسول صلي الله عليه وسلم؛ الصديق كان بالنسبه للرسول أكثر من أخ واكثر من صديق واكثر من حبيب، ويكفي ان الرسول صلى الله عليه وسلم اختاره عن باقي البشر انه يكون صاحبه في الهجرة ، انه يكون صاحبه في اهم حدث في تاريخ البشرية..   قال سبحا...

  كتير مننا بيسأل نفسه يومياً يطور من نفسه ازاي؟ واي الحاجه اللي تستاهل إني اخصص وقت عشان ادرسها؟ وفي سبيل التطور اول ما بنحاول نفكر ف مجال بنحاول نشوف المجال اللي يعتبر حديث العالم حالياً وفرص شغله متوفره في كل مكان ف بنتجه تلقائياً للتفكير عن البرمجة ..   البرمجة؛ اللي حالياً تعتبر الوظيفة الأكثر استقراراً عالمياً واللي بيعتبرها ناس كتيره جدا إنها لغة العصر الحالي بسبب أهميتها علي المستوى المهني وعلي المستوي الفكري..   مش لازم عشان تنوي تبدأ تتعلم برمجة إنك تكون عايز تبقي مبرمج وتشتغل بيها، أهمية تعلم البرمجة دلوقتي تكمن في الأثر الكبير اللي هتسيبه ف حياتك لما تتعلمها .. 💡   اي حد يقدر يتعلم برمجة، بس مش اي حد هيقدر يشتغل بيها لإنها عايزه إرادة وشغف وتطوير مستمر ..   طب يعني إيه لغة برمجة؟ 👨‍💻   لما يبقي في واحد بيتكلم اسباني وواحد بيتكلم انجليزي وعايزين يتكلموا ف أي حاجه بيبقي لازم يكون في وسيط بينهم عشان يترجم للأسباني الشخص الإنجليزي بيقول اي و العكس؛ وده بإختصار اللي لغة البرمجة بتعمله..   لغة البرمجة، هي اللغة اللي ...

عن أبي هريرة رضي الله عنه قال: قال رسول الله- صلى الله عليه وسلم-: قال الله تعالى: أعددت لعبادي الصالحين ما لا عين رأت ولا أذن سمعت ولا خطر على قلب بشر. من زمان وانا فاكر ان الجنة عباره عن جنينه مليانه فاكهه وبيوت وناس راحه جايه وخلاص، بس كنت بسأل نفسي دايما سؤال معوق شوية وهو: "يعني انا فـ الآخر هروح مكان فـيه فاكهه وآكل بس، طب فين البلايستيشن والكورة والنت والحاجات الي بتشغلنا وبنستمتع بيها ف الدنيا؟!" بس انا وقتها كنت طفل عنده عشر سنين تقريبا وكان همي كله اني لما اروح البيت الاقي الالعاب و البلايستيشن والحاجات دي اللي كانت بالنسبالي ساعتها اجمل مافي الوجود.! بس لما عقلي بدأ ينضج شوية بصيت للجنة من نظره مختلفه تماما عن نظرتي وانا صغير؛ وقولت لنفسي مستحيل الجنة الي ربنا وعدنا بيها تبقي عباره عن كده بس! مستحيل تبقي عباره عن مكان للعب البلايستيشن والآكل فقط ! بس لما قرأت الحديث القدسي لاول مره نظرتي اتغيرت اكتر واكتر! قعدت افكر واقول: "مالا عين رأت ولا اذن سمعت ولا خطر علي قلب بشر!" قعدت ارددها كتير اوي، وادركت ان الجنة مش هتضم اهل العصر الحالي من المؤمنين ب...

بينما انت عز يزي القارئ تتصفح الفيس بوك بين جدران ذاك العالم الوهمي اللعين، إذ بك تتفاجئ بوقوع حرب بين روسيا وأمريكا والشوالي .. وعشان انت طبعاً إنسان بتحب الوحدة وال overthinking ف بتتخيل مصر كده داخله الحرب واتطلب منك انت تختار قائد عربي يضمن النصر الأكيد للوطن .. وها انت تُقلب وتتأرجح بين صفحات التاريخ فإذا بك تجد العديد والعديد من العظماء في هذا المجال، أمثال: عمر بن الخطاب، علي بن أبي طالب، خالد بن الوليد، عمرو بن العاص، صلاح الدين، قطز والعديد والعديد .. وهنا بقي ياعزيزي القارئ تقرر إنك هتحط مقياس عشان تقدر تفلتر بيه الناس دي كلها، والمقياس اللي انت اخترته هو "عدم الهزيمة" او صاحب "النصر المطلق" م الاخر انت قولت لنفسك انا عايز قائد ميعرفش غير الفوز او الانتصار.. قولت لنفسك ياعزيزي انا هشوفلي قائد عمره م خسر حرب قبل كده، إنسان ميعرفش يعني إيه هزيمة اصلا .. واخيراً توصل لشخصية، هي بالنسبالي اعظم قائد في تاريخ البشرية، هو سيفٌ من سيوف الله؛ وسيوف الله لا تُكسر أبدًا.. قبل موته طلب الشهادة كثيراً، ولكنه مات بفراشه.. وبعدما مات؛ قال الناس : "لقد كان يس...

" ماهي الحرية ؟ ". الحرية؛ هي الحاجه اللي بنقعد طول حياتنا ندور عليها .. فكرة بتتولد جوانا وبتتطور مع مرور الأيام .. في ناس كتير بالنسبالها الحرية دي هي عبارة عن قدرتك علي إظهار رأيك علناً والعمل به .. وناس تانيه بالنسبالهم هي عبارة عن حرية الإرادة والاختيار والتحرر من العبودية .. اشكال الحرية عمرها ماكانت واحده؛ ومن وجهة نظري هي عبارة عن محاولة إكمال الفراغ الموجود داخل روح الإنسان  .. وانا قاعد بقرأ عن السيرة قابلني نموذجين فريدين من نوعهم جدا؛ سيدنا بلال بن رباح مؤذن رسول الله، و وحشي بن حرب قاتل حمزة ومسيلمة .. الشخصيتين دول شوفت فيهم معاني تانيه للحرية مشوفتهاش في اي إنسان تاني .. كل واحد فيهم عنده نوع مميز .. نوع حريته تكونت من حبه للإسلام.. ونوع كل اللي كان عايزه انه يتعامل زي كل البشر من غير تفرقة اللون .. النوع الأول وهو سيدنا بلال، احد العشرة المبشرين بالجنة، واحد اوائل الصحابة، ومولي أبي بكر الصديق ومؤذن رسول الله.. بلال؛ عندما عُلِم بإسلامه وهو عبدٌ عذبه سيده أمية بن خلف عذاباً شديداً، حتي وضع علي صدره حجارة كبيره .. وضعت علي صدره والشمس حارقة وحرارتها ش...